Quterreş Netanyahunun Fələstin dövləti ideyasını rədd etməsini qəbuledilməz adlandırıb

“İsraillilər və fələstinlilər üçün iki dövlətli həll variantı, Fələstin xalqı üçün dövlət hüququnun rədd edilməsi qəbuledilməzdir”.

"Report" xəbər verir ki, bu barədə BMT-nin baş katibi Antoniu Quterreş "X" səhifəsində yazıb.

A.Quterreşin sözlərinə görə, Fələstin xalqının öz dövlətini qurmaq hüququ hamı tərəfindən tanınmalıdır.

Bundan əvvəl Böyük Britaniyanın müdafiə naziri Qrant Şapps oxşar mövqedən çıxış edib. O, Böyük Britaniyanın İsrail və Fələstin dövlətlərinin birgəyaşayış həllini dəstəklədiyini və Netanyahunun sözlərindən məyus olduğunu bildirib.

Qeyd edək ki, Benyamin Netanyahu bildirib ki, İsrailin Qəzzada hərbi əməliyyatı başa çatdıqdan sonra Fələstin dövlətinin yaradılmasını mümkün hesab etmir.