Bakı. 21 dekabr. REPORT.AZ/ "İstər ərəb, istərsə də digər müsəlmanlar, heç kim Qüdslə bağlı problemi gözardı etməməlidir".
"Report" xəbər verir ki, bunu “2017-İslam Həmrəyliyi İli: Dinlər və mədəniyyətlərarası dialoq” mövzusunda beynəlxalq konfransda iştirak etmək üçün Bakıya səfər etmiş Qüds və Fələstin baş müftisinin müavini İbrahim Xəlil Məhəmməd Avadallah deyib.
Onun sözlərinə görə, Qüds məsələsi islam dünyasında bütün bəşəriyyətin və müsəlmanların əsas problemidir: "Müsəlman ictimaiyyəti Amerikaya təzyiq göstərməlidir. Bunun üçün biz sülhün, qanunun və həqiqətin tərəfdarıyıq. Heç kimin hüququ yoxdur ki, başqasının haqqını tapdalasın".