Qəzzadan Misirə təxliyə edilən xarici vətəndaşların sayı açıqlanıb

Qəzza zolağında gərginliyin artmasından bəri bu Fələstin anklavından 11 mindən çox misirli və digər dövlətlərin vətəndaşları Misirə təxliyə edilib.

“Report” xəbər verir ki, bu barədə Misir dövlət informasiya xidmətinin rəhbəri Diya Raşvan məlumat verib.

Onun sözlərinə görə, Qəzza zolağından 11 067 misirli və xarici vətəndaş təxliyə olunub.

O əlavə edib ki, Misir hakimiyyəti Qəzza ilə sərhəddə mülki şəxslərin keçməsi və humanitar yüklərin çatdırılması üçün “Rəfah” keçid məntəqəsini açıq saxlayır.

D.Raşvan deyib ki, oktyabrın 21-dən indiyədək Qəzzaya humanitar yardım, o cümlədən yanacaq və məişət qazının olduğu 3313 yük maşını göndərilib: “682 yaralı şəxs Qəzzadan Misir ərazisinə gətirilib”.