Qəzzada ölənlərin sayı 41,4 min nəfəri ötüb

2023-cü ilin oktyabrın 7-də Fələstin-İsrail münaqişəsinin yeni mərhələsi başlayandan bəri Qəzza zolağında ölənlərin sayı 41 431 nəfərə çatıb.

“Report” xəbər verir ki, bu barədə Fələstin Səhiyyə Nazirliyi məlumat yayıb.

Bildirilib ki, daha 95 818 nəfər xəsarət alıb.

Səhiyyə Nazirliyinin məlumatına görə, təkcə son 24 saat ərzində Qəzza zolağında azı 40 nəfər ölüb, 58 nəfər yaralanıb.