Fələstin həkimləri 42 nəfərin meyitini tapıblar

Fələstinli tibb işçiləri son 24 saat ərzində Qəzza zolağında daha əvvəl həlak olmuş 42 nəfərin meyitini aşkar ediblər.

“Report” TASS-a istinadən xəbər verir ki, bu barədə Qəzza Səhiyyə Nazirliyinin “Telegram” kanalında məlumat yayılıb.

"Son 24 saat ərzində 42 fələstinlinin meyiti aşkar edilib, daha bir nəfər aldığı yaralardan ölüb, doqquz nəfər isə yaralanıb", - nazirliyin məlumatında deyilir.

Həkimlər əlavə ediblər ki, 2023-cü ilin oktyabrından Qəzzada ölənlərin sayı 47 min 460-a çatıb, daha 111 min 580 nəfər isə yaralanıb.