Qərbi Afrikada koronavirusdan rekord sayda ölüm halı qeydə alınıb

Koronavirus pandemiyasının başlanmasından bəri rekord ölüm sayı qeydə alınıb.

"Report" TASS-a istinadən xəbər verir ki, bunu Ümumdünya Səhiyyə Təşkilatının (ÜST) Afrika ofisinin rəhbəri Matshidiso Moeti Afrikada koronavirusla bağlı vəziyyətlə əlaqədar keçirdiyi brifinqdə bildirib.

"Qərbi Afrikada COVID-19 səbəbindən son dörd həftədə ölüm sayı artaraq 348-dən 1018-ə yüksəlib", - M.Moeti deyib.

ÜST nümayəndəsi qeyd edib ki, Qərbi Afrikadakı vəziyyət bütün tibb işçilərindən xüsusi səy tələb edir.

Hazırda yeni koronavirusa yoluxma hallarının qeydə alındığı 23 Afrika ölkəsindən 9-u qitənin qərbində yerləşir. Bunların arasında digər təhlükəli xəstəliklərin yayılması ilə mübarizə aparan Fil Dişi Sahili, Qvineya və Nigeriya da var.