Qaston Samut: "Dənizaşırı ərazilərin hərəkatı" mübarizəni davam etdirir və Fransa mövqelərini itirir”

“Fransanın dənizaşırı ərazilərinin hərəkatı” yeni müstəmləkəçiliyə qarşı mübarizəsini davam etdirir və Paris mövqelərini itirir”.

"Report" xəbər verir ki, bunu Qvadelupanın Azadlığı Uğrunda Xalq İttifaqının nümayəndəsi Qaston Samut mətbuat konfransında bildirib.

“Biz həm də mədəniyyət abidələrimizin qorunması üçün mübarizə aparır, dilimizi və mədəniyyətimizi qorumağa çalışırıq”, - o bildirib.

Qeyd edək ki, sabah Azərbaycanın paytaxtında Bakı Təşəbbüs Qrupunun (BTQ) təşkilatçılığı ilə “Neokolonializm: İnsan Hüquqlarının Pozulması və Ədalətsizlik” adlı beynəlxalq konfrans keçiriləcək.

Toplantıda 14 ölkədən, eləcə də Fransanın dənizaşırı əraziləri və Korsikadan olan nümayəndələr iştirak edəcək.

Xatırladaq ki, Bakı Təşəbbüs Qrupu (BTQ) Azərbaycanın sədrlik etdiyi Qoşulmama Hərəkatının Əlaqələndirmə Bürosunun nazirlər toplantısı çərçivəsində bu il iyulun 6-da Bakıda “Müstəmləkəçiliyin tamamilə aradan qaldırılmasına doğru” adlı konfransın iştirakçıları tərəfindən yaradılıb. BTQ XXI əsrdə hələ də müstəmləkəçilikdən əziyyət çəkən dünyanın müxtəlif bölgələrində yerləşən xalqların azadlıq uğrunda apardıqları mübarizəyə dəstək verir.