Yuxarı
    Bağlamaq

    Qambiyanın keçmiş prezidenti Yəhya Camme hakimiyyət uğrunda mübarizədən imtina edib

    Yəhya Camme: Qambiyada bir damla qan belə tökülməməlidir

    Bakı. 21 yanvar. REPORT.AZ/ 20 ildən çox müddətdə Qambiya prezidenti vəzifəsini yerinə yetirən Yahya Camme hakimiyyət uğrunda mübarizədən imtina etdiyini və postunu seçkilərdə qələbə qazanmış Adam Barrouya verdiyini bildirib.

    "Report" BBC-yə istinadən xəbər verir ki, bu bəyanat Qambiyadakı siyasi böhranı həll etmək üçün vasitəçi kimi çıxış edən Qvineya və Mavritaniya prezidentlərinin Y.Camme ilə uzun sürən danışıqlarından sonra verilib.

    Televiziya vasitəsilə çıxış edən Y.Camme qeyd edib ki, Qambiyada bir damla qan belə tökülməməlidir.

    Xatırladaq ki, Y.Cammenin prezident seçkilərində məğlubiyyətdən sonra postundan getməkdən imtina etməsi qonşu Seneqalın Qambiyaya hərbi müdaxiləyə başlamasına gətirib çıxarmışdı Ancaq dünən səhər əməliyyat dayandırılıb və danışıqların davam etdirilməsi qərara alınıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi