Praqada elektrik enerjisi kəsilib, tramvay və metro dayanıb

Praqanın mərkəzi hissəsində tramvay və metronun hərəkəti cümə axşamı elektrik enerjisinin kəsilməsi səbəbindən dayanıb.

“Report” TASS-a istinadən xəbər verir ki, bu barədə “Mladá fronta DNES” nəşri məlumat yayıb.

Xəbərdə tramvayların və metronun bir neçə dəqiqə dayandığı qeyd edilib. Paytaxt Praqanın mərkəzi küçələrindən biri olan Yeçnada tramvaylar beş dəqiqə ərzində hərəkət etməyib.

Xatırladaq ki, Çexiyanın paytaxtında elektrik təchizatı sistemində nasazlıq saat 09:00 radələrində baş verib. Onun səbəbləri hələ də məlum deyil.