Portuqaliya 2025-ci ildə Ukraynaya 220 milyon avroluq yardım edəcək

Portuqaliya 2025-ci ildə Ukraynaya 220 milyon avro məbləğində yardım edəcək.

"Report" TASS-a istinadən xəbər verir ki, bunu Baş nazir Luis Monteneqro Vaşinqtonda jurnalistlərə açıqlamasında bildirib.

“Bu il Ukraynaya dəstəyimizin həcmi 220 milyon avrodan çox ola bilər və gələn il də eyni məbləği ayıracağıq”, - o qeyd edib.

Baş nazir əlavə edib ki, Portuqaliyanın Ukraynaya dəstək səyləri ölkənin hərbi sahənin bəzi sektorlarına fayda verə bilər.