Poroşenko Donbasın xüsusi statusu haqda qanunu imzaladı

Bakı. 19 mart. REPORT.AZ/ Ukrayna prezidenti Pyotr Poroşenko Rusiyanın ciddi etirazına səbəb olan "Donbasın bəzi rayonlarına xüsusi statusun verilməsinə dair" qanunu imzaladı.

"Report"un BBC-yə istinadən verdiyi xəbərə görə, sənədə əsasən, Luqansk və Donetsk vilayələrinin bir hissəsi "işğal edilmiş ərazi" elan edilir, və bu ərazilərdə seçkilərin keçirilməsi döyüşlərin tamamilə dayandırılması şərtinə bağlanır.

Ötən gün bu qanunu Ali Radanın spikeri Vladimir Qroysman təstiq etmişdi.

Qeyd edək ki, rəsmi Moskva sözü gedən qanunu Minsk razılaşmalarına qarşı addım elan etmişdi.