Pentaqon Ukraynaya yeni hərbi yardımla bağlı açıqlama verməkdən çəkinib

Pentaqon Ukraynaya mümkün hərbi yardımla bağlı hələlik heç bir açıqlama verməyəcək.

“Report” xəbər verir ki, bu barədə Pentaqonun mətbuat katibi Sabrina Sinqh bildirib.

“PDA (hərbi yardımın tədarükü mexanizmi - Qeyd) ilə bağlı elanlara gəlincə, hadisələri təxmin etməyəcəyəm. Bu gün heç bir açıqlamam yoxdur ”, - deyə o qeyd edib.

Bundan əvvəl ABŞ Milli Təhlükəsizlik Şurasının strateji kommunikasiya üzrə koordinatoru Con Kirbi deyib ki, Vaşinqton yaxın günlərdə Ukraynaya yeni hərbi yardım paketi elan etməyi planlaşdırır. O, yardım paketinin nə zaman açıqlanacağını və hansı növ silahların tədarük ediləcəyinə dair məlumat verməyib.