Bakı. 14 noyabr. REPORT.AZ/ ABŞ-ın rəhbərlik etdiyi koalisiyanın başçısı Rayan Dillon Rusiya Müdafiə Nazirliyinin koalisiya qüvvələrinin İŞİD-ə yardım etməklə bağlı iddialarını sübutsuz adlandırıb.
"Report" xəbər verir ki, bu barədə Rusiya mətbuatı məlumat yayıb.
“Bunlar sübutsuz, qeyri-dəqiq və tamamilə yanlışdır", - deyə R.Dillon bildirib.
Onun fikrincə, Rusiya bu cür bəyanatları yaymaqla, diqqəti Suriyada üzləşdiyi çağırışlardan yayındırmağa çalışır.
Qeyd edək ki, bir müddət əvvəl Rusiyanın Müdafiə Nazirliyi ABŞ-ın İŞİD döyüşçülərinə dəstək verməsi barədə danılmaz sübutların olduğunu iddia edib.