Pentaqon İraqdan ABŞ-nin Suriyadakı bazasına 15 raket atıldığını bildirib

İraqdan ABŞ-nin Suriyadakı bazasına 15 raket atılıb.

“Report” xəbər verir ki, bu barədə ABŞ Mərkəzi Komandanlığı (CENTCOM) məlumat yayıb.

“Dekabrın 3-də ABŞ-nin Suriyadakı Rumeylandakı bazasına İraqdan 122 mm-lik 15 raket atılıb. Şəxsi heyət arasında itki olmayıb və ya avadanlıqlara ziyan dəyməyib”, – “X” sosial şəbəkəsində CENTCOM səhifəsində dərc edilmiş bəyanatda deyilib.

Qeyd olunub ki, “Inherent Resolve” əməliyyatını həyata keçirən əməliyyat qrupu raketlərin atıldığı yeri müəyyənləşdirib və bu məlumatları İraq təhlükəsizlik qüvvələrinə ötürüb.