Pentaqon husilərə qarşı hazırkı strategiyadan razıdır

Pentaqon rəhbərliyi Yəmənin "Ənsar Allah" (husilər) üsyançı hərəkatına qarşı seçilmiş strategiyadan razıdır.

“Report” xəbər verir ki, bunu Pentaqonun mətbuat katibinin müavini Sabrina Sinqh ənənəvi brifinqdə deyib.

"Müdafiə naziri Lloyd Ostin ABŞ Silahlı Qüvvələrinin Mərkəzi Komandanlığının rəhbərliyinə və husilərə qarşı aparılan əməliyyatlara tam etibar edir", - o, Pentaqonun husilərlə mübarizə strategiyasından razı olub-olmadığı suala cavabına deyib.

Sinqh bildirib ki, üsyançıların infrastrukturuna zərbə vurmaq taktikası nəticə verir, çünki onların sayəsində husilərin hərbi imkanları tədricən azalır. "Husilər artıq bu zərbələrin nəticələrini görürlər", - Pentaqon rəsmisi deyib.