Yuxarı
    Bağlamaq

    Parisdə iğtişaşlar zamanı təxminən 30 nəfər saxlanılıb, 9 nəfər xəsarət alıb

    Toqquşmalar Fransada prezident seçkilərinin ilk turundan sonra başlayıb© РИА Новости

    Bakı. 24 aprel. REPORT.AZ/ Fransada keçirilmiş prezident seçkilərinin ilk turundan sonra Parisdə baş verən qarşıdurmada azı 29 nəfər saxlanılıb, 9 nəfər xəsarət alıb.

    "Report" RİA "Novosti"yə istinadən xəbər verir ki, etirazlar zamanı altı polis məmuru və üç nümayişçi yüngül xəsarət alıb.

    Qeyd edək ki, prezident seçkilərinin ilk turu günü Parisdə etirazlar gecə saatlarına qədər davam edib, avtomobillər yandırılıb. Bastilya meydanında hüquq-mühafizə orqanları əməkdaşları nümayişçilərlə toqquşmada bibər qazı, səs və tüstü bombalarından, dəyənəkdən istifadə edib.

    Xatırladaq ki, Fransada prezident seçkilərinin ilk turunda sabiq iqtisadiyyat naziri Emmanuel Makron və "Milli cəbhə" partiyasının lideri Marin Le Pen qələbə qazanıb.

    Prezident seçkilərinin ikinci turu mayın 7-də keçiriləcək.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi