Yuxarı
    Bağlamaq

    Pan Gi Mun Cənubi Koreya prezidentliyinə namizəd olmayacaq

    Koreya parlamenti Pak Kın Heyə impiçment elan etdikdən sonra o, prezidentliyə mümkün namizəd sayılırdı

    Bakı. 1 fevral. REPORT.AZ/ BMT-nin keçmiş baş katibi Pan Gi Mun Cənubi Koreya prezidentliyinə namizəd olmayacağını bildirib.

    Bu barədə "Report" "Yonhap" agentliyinə istinadən xəbər verir.

    Xatırladaq ki, bu yaxınlarda Cənubi Koreya Milli Assambleyasının (parlament) ekspert qrupu BMT-nin keçmiş baş katibinin dövlətdə yüksək vəzifə tuta biləcəyi qənaətə gəlib. Hərçənd ümümdünya təşkilatın Baş Assambleyasının qətnamələrindən biri bunu həyata keçirməməyi tövsiyə edir.

    Qeyd edək ki, Pan Gi Mun BMT-nin baş katibi kimi 10 illik fəaliyyətindən sonra yanvar ayında Nyu Yorkdan vətəninə dönüb. Dekabrın 9-da böyük korrupsiya qalmaqalına görə ölkə prezidenti Pak Kın Heyə impiçment elan edildiyindən Pan Gi Mun prezidentliyə mümkün namizəd sayılırdı.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi