Pan Gi Mun Almaniyaya və Mərkəzi Asiya ölkələrinə səfər edəcək

Bakı. 5 iyun. REPORT.AZ/ BMT-nin baş katibi Pan Gi Mun Almaniyaya, oradan da Mərkəzi Asiya ölkələrinə səfər edəcək. O, Tacikistan, Qazaxıstan, Qırğız Respublikası, Özbəkistan və Türkmənistanda olacaq. Bu barədə "Report" BMT-nin mətbuat xidmətinə istinadən xəbər verir. 

İyunun 7-də Pan Gi Mun Almaniyaya yola düşəcək. Burada Bonnda genişləndirilmiş beynəlxalq mərkəzin inauqurasiyasında iştirak edəcək. Pan Gi Munun Almaniya kansleri Angela Merkel və xarici işlər naziri Frank-Valter Ştaynmayerlə görüşü nəzərdə tutulub.