Pakistanda partlayış zamanı dörd nəfər ölüb

Pakistanın Bəlucistan vilayətin Kvetta şəhərində baş verən partlayış nəticəsində azı 4 nəfər ölüb, 13 nəfər yaralanıb.

“Report” xəbər verir ki, bu barədə yerli “Express Tribune” qəzeti məlumat yayıb.

Hadisə tibb mərkəzinin yanında qeydə alınıb. Yaralılar xəstəxanalara yerləşdirilib.

Bəlucistanın baş naziri Mir Əbdül Quddus Bizenjo partlayışı pisləyib və şəhərdəki təhlükəsizlik tədbirlərindən narazılığını bildirib. O, həmçinin vilayət polis rəisindən hadisə ilə bağlı hesabat istəyib.