Pakistanda musson yağışları 169 insanın həyatına son qoyub

Pakistanda iyunun 25-dən iyulun 28-dək davam edən musson yağışları nəticəsində həyatını itirənlərin sayı 169-a çatıb.

“Report” xəbər verir ki, Pakistanın Milli Fəlakətlərin İdarə Edilməsi Agentliyinin məlumatına görə, yaralıların sayı 250-ni ötüb.

Açıqlamada qeyd olunub ki, sözügedən tarixlərdə yağan güclü yağışlar nəticəsində 242 ev qismən, 1 162 ev tamamilə dağılıb və 11 mindən çox insan təxliyə edilib

Qeyd edək ki, ötən il Pakistanda musson yağışlarının səbəb olduğu daşqınlar nəticəsində 1739 nəfər həlak olmuşdur.