Pakistanda mədənin uçması nəticəsində 7 nəfər ölüb

Bakı. 12 mart. REPORT.AZ/ Pakistanda kömür mədənində tunelin uçması nəticəsində 7 nəfər ölüb, 10 nəfər yaralanıb və 45 işçi dağıntılar altında qalıb.

“Report” “Sinxua”ya istinadən xəbər verir ki, Orakzay vilayətində baş verən insident zamanı mədəndə 60-dan çox işçi olub.

Hadisə yerinə qəza xidmətləri cəlb olunub. Lakin xilasedicilərin insanları dağıntılar altından çıxartmaq üçün kifayət qədər xüsusi texnikası yoxdur. Xilasetmə işlərini qaranlığın düşməsi və yağış çətinləşdirir.