Bakı. 28 mart. REPORT.AZ/ Pakistan ordusunun əsgərləri Əfqanıstanla sərhəddə yerləşən Xayber rayonunda "Taliban" hərəkatının 15 döyüşçüsünü öldürüb.
"Report" "TASS"a istinadən xəbər verir ki, 30-a yaxın silahlı Tirah vadisindəki nəzarət-buraxılış məntəqəsinə basqın edib.
Hadisə nəticəsində 3 hərbçi yaralanıb.
Xatırladaq ki, martın 24-də ABŞ-ın pilotsuz uçan aparatlarının "Taliban" döyüşçülərinin Xayberdəki mövqeyinə hücumu nəticəsində 10 döyüşçü öldürülmüşdü.
Rəsmi məlumatlara əsasən, ötən bir həftə ərzində Pakistan hərbçilərinin keçirdikləri əməliyyat nəticəsində 80-dən çox silahlı zərərsizləşdirilib. Həmin əməliyyatlar nəticəsində 7 hərbçi ölüb.