Özbəkistanda sağlamlıq imkanları məhdud şəxslərin seçkidə iştirakı üçün şərait yaradılıb

"Özbəkistanda keçirilən növbədənkənar prezident seçkilərində sağlamlıq imkanları məhdud şəxslərin iştirakı üçün hər cür şərait yaradılıb".

“Report”un Daşkəndə ezam olunmuş müxbiri xəbər verir ki, bunu Özbəkistan Mərkəzi Seçki Komissiyasının (MSK) sədri Zayniddin Nizamxocayev mətbuat konfransında deyib.

“Görmə əngəlli insanların öz iradələrini ifadə edə bilmələri üçün hər bir seçki məntəqəsi Brayl əlifbası ilə çap olunmuş şablonla təchiz edilib”, - o bildirib.

MSK sədri qeyd edib ki, seçki məntəqələrində sağlamlıq imkanları məhdud şəxslərin üçün xüsusi təchiz olunmuş gizli səsvermə kabinələri yerləşdirilib.