Liviyada 10 nəfər toqquşmaların qurbanı olub, onlarla yaralı var

Bakı. 18 yanvar. REPORT.AZ/ Liviyanın paytaxtı Tripolidə ikinci gündür aramsız davam edən silahlı toqquşmalar zamanı 10 nəfər həlak olub, 40-dan çox insan yaralanıb.

"Report" TASS-a istinadən xəbər verir ki, bu barədə "Al-Wasat" xəbər portalı ölkənin Milli Barışıq Hökuməti yanında Səhiyyə Nazirliyinin açıqlamasına istinadən xəbər verib.

"Çərşənbə günündən qızışan toqquşmalar nəticəsində həlak olanların sayı 10 nəfərə çatıb", - deyə açıqlamada qeyd olunur. Bildirilir ki, qadınlar və uşaqlar da daxil olmaqla, daha 41 nəfər xəsarət alıb.

Daha əvvəl Üsamə əl-Mehrahi şəhərinin Təcili Yardım Xidmətinin rəsmi nümayəndəsi bildirib ki, ölənlər arasında 3 dinc sakin də var. 

Liviyanın sahil mühafizə xidməti Avropaya yol alan 113 miqrantı xilas edib.