Nigeriyada QİÇS-dən 45 min nəfər ölüb

Nigeriyada 2019-cu ildə 45 min nəfər QİCS-dən ölüb.

“Report” “TRT Haber”ə istinadən xəbər verir ki, bunu Ümumdünya Səhiyyə Təşkilatının (ÜST) məsul nümayəndəsi Fiona Braka deyib.

Bildirilib ki, Dünya QİÇS Günü ilə əlaqədar Nigeriya paytaxtı Abujada QİÇS-ə Nəzarət üzrə Milli Proqramına dair tədbir keçirilib. Fiona Braka Nigeriyadakı vəziyyətin narahatedici olduğunu vurğulayıb.

Milli proqramın direktoru doktor Qambo Aliyu isə ölkədə 1,2 milyon QİÇS daşıyıcısının müalicə edildiyini söyləyib.