Nigeriyanın cənub-qərbindəki avtobanda baş verən yol-nəqliyyat hadisəsi nəticəsində 20-dən çox adam ölüb, çoxlu sayda insan yaralanıb.
“Report” xəbər verir ki, məlumatı yerli “Daily Post” oktyabrın 13-də yayıb.
“Dizel yanacağı daşıyan avtomobilin sürücüsünün idarəetməni itirməsi nəticəsində maşın aşıb və partlayıb. Nəticədə 8 maşın içindəki sərnişinlərlə birlikdə tamamilə yanıb”,- Nigeriya Yol Hərəkəti Təhlükəsizliyi Federal Xidmətinin rəsmi nümayəndəsi Aqness Oqunqbemi bildirib.
Hadisə Osun əyalətinin İlesa-Akure sürətli avtomobil yolunda baş verib. Yaralılar xəstəxanaya yerləşdirilib.