Nigeriyada 117 milyona yaxın insan işıqsız qalıb

Nigeriyada böyük elektrik kəsilməsi nəticəsində təxminən 117 milyon insan işıqsız qalıb.

“Report” xəbər verir ki, bu barədə Nigeriyanın “Arise” telekanalı məlumat yayıb.

Məlumata görə, xüsusilə paytaxt Abuca və ölkənin ən böyük şəhəri Laqosda elektrik enerjisi kəsilib.

Nigeriyanın Energetika Nazirliyi mütəxəssislərin hadisənin səbəblərini araşdırdıqlarını açıqlayıb.

Bundan əvvəl martın 14-də Nigeriyada hava limanları, xəstəxanalar, bir çox müəssisə və fərdi evlər qəza nəticəsində elektrik enerjisindən məhrum olub.