Niderland NATO təlimlərində iştirak etmək üçün 5 min əsgər və 2 gəmi göndərəcək

Niderland NATO-nun son onilliklərin ən böyük “Steadfast Defender 2024” təlimində iştirak etmək üçün 5 mindən çox əsgər və 2 gəmi göndərmək niyyətindədir.

"Report" xəbər verir ki, bu barədə ölkənin Müdafiə Nazirliyi məlumat yayıb.

Nazirlikdən bildirilib ki, təlimlər zamanı qoşunların döyüşə hazır vəziyyətə gətirilməsi, məşq toplanışı və bölmələrin münaqişə zonasına çıxarılması məşq ediləcək.

NATO-nun “Steadfast Defender 2024” təlimi 2024-cü ilin fevral-may aylarında Avropada keçiriləcək. Təlimdə ittifaqın 31 ölkəsi və İsveç iştirak edəcək.