Bakı. 6 noyabr. REPORT.AZ/ "NATO Əfqanıstan ordusunu azı 2024-cü ilə qədər maliyyələşdirməyə davam edəcəyini təsdiq edib".
"Report" TASS-a istinadən xəbər verir ki, bunu Əfqanıstan Prezidenti Əşrəf Qani NATO baş katibi Yens Stoltenberqlə Kabildə keçirilən mətbuat konfransında deyib.
O, bu dəstəyə görə Stoltenberqə minnətdarlığını bildirib.
Qeyd edək ki, söhbət ildə, təxminən, 4 milyard dollardan gedir. Bu məbləğin 1 milyardını NATO ölkələri, 3 milyardını isə ABŞ ayıracaq.