Naməlum şəxslər İraqda kafedəki müştərilərə atəş açıb, 12 nəfər həlak olub

Bakı. 13 may. REPORT.AZ/ İraqın şimalındakı Bələd şəhərində üç naməlum şəxs kafedəki müştərilərə atəş açıb.

Bu barədə "Report" "Reuters"ə istinadən xəbər verir. Atışma nəticəsində ən azı 12 nəfər həlak olub, daha 25 nəfər yaralanıb. 

Xatırladaq ki, dünən Bağdaddakı bazarın yaxınlığında terror aktı baş verib. Mina ilə yüklənmiş avtomobilin partlaması nəticəsində təxminən 80 nəfər həlak olub. Terror aktına görə məsuliyyəti "İslam dövləti" qruplaşması öz üzərinə götürüb.