Moldovanın Baş naziri Türkiyə ilə əməkdaşlığı genişləndirməyə çağırıb

Moldovanın Baş naziri Dorin Reçan rəsmi Kişinyov və Ankara arasında dərin əməkdaşlığa çağırıb.

“Report” xəbər verir ki, bu barədə Moldova Baş nazirinin mətbuat xidməti məlumat yayıb.

Reçanın sözlərinə görə, Moldova və Türkiyə strateji tərəfdaşlığı inkişaf etdirir və hər iki ölkə ikitərəfli münasibətləri, xüsusilə qarşılıqlı ticarət, iqtisadi və investisiya potensialını dərinləşdirmək niyyətlərini çatdırıblar.

Türkiyə Prezidenti Rəcəb Tayyib Ərdoğanın andiçmə mərasiminə səlahiyyətləri iyunun 19-dan sonra başa çatan Qaqauz muxtariyyətinin hazırkı rəhbəri İrina Vlaxın dəvət edildiyi də bildirilir.