Yuxarı
    Bağlamaq

    Misir məhkəməsi Hüsnü Mübarəkə və oğlanlarına yeni hökm oxuyub

    Keçmiş prezident  və iki oğlu prezident sarayının təmirinə ayrılmış 18 milyon dollara yaxın dövlət əmlakını mənimsəməkdə ittiham olunurlar

    Bakı. 9 may. REPORT.AZ/ Misir məhkəməsi ölkənin keçmiş prezidenti Hüsnü Mübarəkin və iki oğlunun korrupsiya ittihamı ilə bağlı işinə yenidən baxaraq, onların 3 il müddətinə azadlıqdan məhrum edilməsi haqda qərar çıxarıb.

    "Report" xəbər verir ki, bu haqda "Reuters" məlumat yayıb.

    İstintaq materiallarına əsasən, Hüsnü Mübarək və iki oğlu prezident sarayının təmirinə ayrılmış 18 milyon dollara yaxın dövlət əmlakını mənimsəyiblər.

    Bu cinayət işinə "saray işi" adı verilib.

    Qeyd edək ki, ötən ilin mayında "saray işi" üzrə keçmiş prezidentə 3 il həbs kəsilmişdi. O, bu müddəti ümumi rejimli cəza çəkmə müəssisəsində çəkməli idi. Oğlanlarına isə 4 il həbs cəzası kəsilmişdi. Ancaq sonra bu hökm ləğv edilərək, işə yenidən baxılması üçün məhkəməyə göndərilmişdi.  

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi