Yuxarı

​Misir məhkəməsi 183 nəfər barəsində edam hökmü çıxarıb

Onlar 13 polisin qətlində ittiham olunub

Bakı. 2 fevral. REPORT.AZ/ Misir Cinayət Məhkəməsinin Qahirədəki şöbəsi 183 nəfər barəsində ölüm hökmü çıxarıb.

"Report" "İTAR-TASS"a istinadən xəbər verir ki, onlar polislərin qətlində ittiham olunub.

Məlumata görə, cinayətkarlar 2013-cü ildə Qahirə-Kerdase şəhərciyində polis məntəqəsinə basqın ediblər. Həmin tarixdə qumbaraatan və avtomatlarla silahlanmış bu qrup idarə rəisi də daxil olmaqla 13 polis əməkdaşını güllələyərək qətlə yetiriblər.

Bu iş üzrə 188 nəfər barəsində cinayət işi açılıb, onların 37-si axtarışdadır.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi