Bakı. 9 noyabr. REPORT.AZ/ Noyabrın 19-da Vyanada Suriya məsələsinin nizama salınmasına dair çoxtərəfli görüşün keçirilməsi nəzərdə tutulub.
"Report"un verdiyi məlumata görə, bu barədə TASS-a diplomatik mənbə məlumat verib.
"Görüş cədvəli bir daha müzakirə edilir. Çox güman ki, tərəflər şənbə günü bir araya gələcək", - deyə mənbə bildirib.
Bundan öncə Almaniyanın xarici işlər naziri Frank-Valter Ştaynmayer isə bildirmişdi ki, Suriya üzrə yeni görüş Avstriya paytaxtında noyabrın 12-də keçiriləcək. Pekindəki rəsmi mənbələr isə bildiriblər ki, Çin tərəfi Vyanada keçiriləcək Suriya danışıqlarında məhz noyabrın 14-də iştirak etmək niyyətindədir.