Meksikada zəlzələdən sonra fövqəladə vəziyyət elan olunub

Bakı. 19 fevral. REPORT.AZ/ Meksikanın Milli Mülki Müdafiə Xidməti bazar günü bu yaxınlarda baş vermiş güclü zəlzələdən zərər çəkən Oaxaka ştatının 33 bələdiyyəsində fövqəladə vəziyyət rejimi elan edib.

“Report” RİA "Novosti"yə istinadən xəbər verir ki, rejimin elan edilməsini ştat rəhbərliyi özü istəyib.

İdarənin məlumatında bildirilir ki, bu tədbir sözügedən rayonların təbii fəlakət nəticələrinin aradan qaldırılması üzrə xüsusi fondun vəsaitlərinə çıxış əldə etməsinə imkan verəcək.

Ötən cümə Oaxaka ştatında 7,2 maqnituda zəlzələ baş verib. Nəticədə yüzlərlə tikiliyə ziyan dəyib, 1,3 milyon ev və ticarət nöqtəsi işıqsız qalıb.