Meksikada boru kəmərinin partlaması nəticəsində 91 nəfər ölüb

Bakı. 22 yanvar. REPORT.AZ/ Meksikada boru kəmərinin partlaması nəticəsində ölənlərin sayı 91 nəfərə çatıb.

“Report” xəbər verir ki, bu barədə İdalqo ştatının qubernatoru Ömər Fayyada istinadən "Imagen" radiosu məlumat yayıb.

"Vəziyyət dəyişib: bədbəxtlikdən, ciddi yanıq xəsarətlərindən artıq 91 nəfər ölən var", — deyə o bildirib.

Bununla yanaşı, qubernatorun sözlərinə görə, hazırda daha 52 nəfər xəstəxanalarda yatır.

Bundan əvvəl ölənlərin sayının 85 nəfər olduğu məlum idi.