Meksika körfəzin adının dəyişməsinə görə "Google"u məhkəməyə verə bilər

Meksika körfəzin adının dəyişməsinə görə "Google"u məhkəməyə verə bilər.

"Report" xarici KİV-ə istinadən xəbər verir ki, bunu ölkə Prezidenti Klaudiya Şeynbaum gündəlik mətbuat konfransında deyib.

O bildirib ki, hökumət “Google Maps” xəritə xidmətində Meksika körfəzinin adının Amerika körfəzi olaraq dəyişdirilməsinə görə şirkəti məhkəməyə vermək barədə düşünür.

“Əgər onlar təkid etməyə davam etsələr, biz məhkəməyə müraciət etməyi düşünürük. Çünki onlar hətta Meksika ərazisində, bizim şelfimizdə oranı Amerika körfəzi adlandırırlar”, - Şeynbaum qeyd edib.