Meksika ABŞ-la sərhəddə tikilən səddə görə pul ödəməyəcək

Bakı. 12 yanvar. REPORT.AZ/ Meksika Donald Trampın prezident postuna keçməsindən sonra ABŞ administrasiyası ilə yaxşı münasibətlərə bel bağlayır, lakin sərhəd divarının tikintisi üçün pul verməyəcək.

"Report" xəbər verir ki, bunu Meksika prezidenti Enrike Nyeto deyib.

"Bizim ABŞ ilə fikir ayrılığımız var, məsələn, tikintisinə görə pul ödəməyəcəyimiz divar, lakin biz yaxşı münasibətlər qurmağa hazırlaşırıq", - deyə E.Nyeto Meksikanın səfir və konsulları ilə illik görüşdə çıxışı zamanı bildirib.