Makron yaxın vaxtlarda İraqa səfər edəcək

Bakı. 26 fevral. REPORT.AZ/ Fransa prezidenti Emmanuel Makron yaxın aylarda İraqa səfər etmək niyyətindədir.

Bu barədə “Report” “Reuters”ə istinadən xəbər verir.

"Çoxdankı dostluq (Fransa və İraq arasında) terrorizmə qarşı baryer kimi xidmət edirdi; indi biz möhkəm sülhü birgə qurmaq üçün onukonkret layihələrlə dəstəkləməliyik", - deyə Fransa prezidenti iraqlı həmkarı Bərham Salihi ilə birgə mətbuat konfransında bildirib.

"Bir neçə ay sonra İraqa gələndə bu mənim müraciətim olacaq, ", - deyə Makron əlavə edib.

Qeyd edək ki, Fransa Prezidenti Emanuel Makron yaxın üç-altı ay ərzində hökumət kabinetinin “köklü yenilənməsi”nə hazırlaşır.