Mahmud Abbas xarici səfərini yarımçıq saxlayıb

Bakı. 13 noyabr. REPORT.AZ/ Fələstin muxtariyyatının rəhbəri Mahmud Abbas Qəzza zolağında gərginliyin artması üzündən xarici səfərini yarımçıq qoyaraq vətənə qayıtmaq qərarına gəlib.

“Report” RİA "Novosti”yə istinadən xəbər verir ki, M.Abbas İsrail hərbçilərinin Fələstinə qarşı tədbirlərini izləyəcək.

Xatırladaq ki, İsrail hərbçiləri HƏMAS dəstələri tərəfindən 12 saat ərzində İsrailin cənub bölgəsinə 400-dək raket və mərmi buraxmasına cavab olaraq ötən gecə Qəzza zolağında HƏMAS hərəkatının bir sıra obyektlərində əməliyyat keçiriblər.