ABŞ-də meşə yanğınları 1,3 min hektar ərazini əhatə edib

ABŞ-nin Los-Anceles dairəsində baş verən yanğının sahəsi 1344 hektara çatıb, yanğının lokallaşdırılması sıfır səviyyəsindədir.

“Report” xarici KİV-lərə istinadən xəbər verir ki, bu barədə Kaliforniya ştatının yanğınsöndürmə xidməti məlumat yayıb.

“PowerOutage.us” monitorinq xidmətinin məlumatına görə, yanğınlar fonunda Los-Anceles dairəsinin ən azı 220 min sakini, yəni dairə əhalisinin 6,7 %-i işıqsız qalıb.

Kaliforniya yanğınsöndürmə xidmətinin bu gün yaydığı məlumata görə, Los-Anceles dairəsinin qərbində, təxminən 27 min nəfərin yaşadığı ərazidə meşə yanğını başlayıb. Əvvəlcə yanğının sahəsi 3 kvadrat kilometrdən çox olub, lakin güclü külək səbəbindən alov sürətlə yayılıb.