Litva Ukraynaya minatəmizləmə avadanlıqları üçün 35 milyon avro ayıracaq

Litva Ukraynaya radiolokasiya stansiyaları və minatəmizləmə avadanlıqlarının alınması üçün 35 milyon avro ayıracaq.

"Report"un Ukrayna mətbuatına istinadən verdiyi məlumata görə, bunu Litvanın Baş naziri İnqrida Simonyte Kiyevdə mətbuat konfransı zamanı deyib.

“Biz ümid edirik ki, Ukraynaya payızın sonuna kimi Litvada istehsal olunan 5 mindən çox pilotsuz uçan aparat da verə biləcəyik”, - Baş nazir əlavə edib.

O, Litvadan Ukraynaya son hərbi yardım paketinin sentyabrın əvvəlində çatacağını və bu paketə 10 qısamənzilli hava hücumundan müdafiə sistemi, 30 PUA əleyhinə raket və digər texnika, silah və sursatların daxil olacağını bildirib.