KXDR Cənubi Koreyaya aviamarşrut açmağı təklif edib

Bakı. 16 noyabr. REPORT.AZ/ KXDR nümayəndələri mülki aviasiya üzrə Koreya danışıqlarında Şimali və Cənubi Koreya arasında uçuşlar üçün marşrut açmağı təklif edib.

"Report" xəbər verir ki, bu barədə "Yonhap" agentliyi Koreya Respublikasının Nəqliyyat Nazirliyindəki mənbəyinə istinadən məlumat verib.

Təklif olunan marşrutlar Sarı dəniz və ya Yapon dənizinin üzərindən keçməlidir.

Daha əvvəl Cənubi Koreyanın KXDR ilə dəmir yolu əlaqəsi qurmağı planlaşdırdığı bildirilmişdi.