KXDR BMT-ni ikili standartlarda ittiham edib

Koreya Xalq Demokratik Respublikası (KXDR) BMT Təhlükəsizlik Şurasının iclasında Pxenyanın raket sınaqlarını müzakirə etməsini pisləyib.

“Report” xəbər verir ki, bu barədə Koreyanın Mərkəzi Teleqraf Agentliyinə istinadən “Yonhap” bildirib.

Agentliyin informasiyasına görə, Pxenyan BMT Təhlükəsizlik Şurasını hərəkətlərini "ikili standartların təzahürü" adlandırıb. Koreya Xalq Demokratik Respublikasının Xarici İşlər Nazirliyinin bəyanatında həmçinin qeyd edilir ki, raket sınaqlarının hədəfi özünümüdafiə olub.