Kolumbiyada polis helikopteri qəzaya uğrayıb, ölənlər var

Kolumbiyanın şimalında polis helikopteri qəzaya uğrayıb.

“Report” xəbər verir ki, bu barədə ölkə prezidenti İvan Duke bildirib.

Onun sözlərinə görə, qəza zamanı 5 nəfər həlak olub.

"Biz Bolivar departamentinin cənubunda, Kantaqalo bələdiyyəsində baş verən aivaqəzada beş qəhrəman polisimizin həlak olmasından dərin təəssüf hissi keçiririk", - deyə Duke özünün tvitterdəki səhifəsində yazıb.

Prezident əlavə edib ki, helikopter qəzasının səbəbləri araşdırılacaq.