Yuxarı

Kolumbiyada narkobaronu tutmağa gedən hərbçilərin vertolyotu qəzaya uğrayıb: 15 ölü

ABŞ Usaqayın başına 5 milyon dollar mükafat qoyub

Bakı. 5 avqust. REPORT.AZ/ Kolumbiyada hərbi vertolyot qəzaya uğrayıb. "Report" xarici mətbuata istinadən xəbər verir ki, hadisə nəticəsində təhlükəsizlik qüvvələrinin 15 əməkdaşı ölüb.

Qəzada daha iki nəfər ağır yaralanıb.

"Black Hawk" tipli vertolyotun ölkənin şimalındakı meşəyə hansı səbəbdən düşdüyü hələlik məlum deyil. 

Qeyd edək ki, vertolyotda məşhur narkotik qaçaqmalçısı Dairo Otoniel Usaqayı tapmaq üçün təyin olunan təhlükəsizlik xidmətinin əməkdaşları olub.

Kolumbiya fevral ayından ABŞ-ın dəstəyi ilə Usaqayı tutmağa çalışır. ABŞ onun başına 5 milyon dollar mükafat qoyub.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi