KİV: Tramp telefon nömrəsini Zelenskiyə verib

ABŞ Prezidenti Donald Tramp telefon nömrəsini ukraynalı həmkarı Vladimir Zelenskiyə verərək ona birbaşa zəng etməsini deyib.

“Report” xəbər verir ki, bu barədə “Axios” portalı mənbələrə istinadən məlumat yayıb.

Mənbələr iddia edir ki, Trampın təklifinə cavab olaraq Zelenski ABŞ Prezidentinə ukraynalı boksçu Aleksandr Usikın çempionluq kəmərini hədiyyə edəcəyinə söz verib.

Məlumata görə, fevralın 12-də Tramp və Zelenski arasında telefon danışığı müsbət ruhda keçib. Tramp Zelenskidən münaqişənin həlli ilə bağlı hələ də "sövdələşmə bağlamaq" istəyib-istəmədiyini öyrənməyə çalışıb. Zelenski cavabında saziş bağlamaq istədiyini, lakin ümumilikdə buna şübhə ilə yanaşdığını bildirib.