KİV: “Taliblər” geyiminə görə qadını qətlə yetirib

Əfqanıstanda hakimiyyəti ələ keçirən “Taliban” qruplaşması üzvlərinin bir qadını geyiminə görə qətlə yetirdiyi barədə xəbərlər yayılıb.

“Report” xəbər verir ki, belə bir iddia ilə ABŞ-ın “FOX News” telekanalı çıxış edib.

Bildirilib ki, Əfqanıstanın Taxar vilayətində bir qadın şəriət qaydalarına uyğun geyinmədiyinə görə “Taliban” qruplaşmasının üzvləri tərəfindən öldürülüb.

Qeyd edək ki, dünən “Taliban”ın sözçüsü Süheyl Şahin qadınların işləməsi və oxuması barədə müsbət mesajlar vermişdi.