Kanadanın Baş naziri: Çarli Kirkin qətli demokratiya üçün təhdiddir

Kanada Baş naziri Mark Karni amerikalı mühafizəkar fəal Çarli Kirkin qətlinin demokratiya üçün təhdid olduğunu yazıb.

"Report" xəbər verir ki, o, bu barədə "X" sosial şəbəkəsindəki hesabında paylaşım edib.

"Mən Çarli Kirkin qətlindən sarsılmışam. Siyasi zorakılığa heç bir bəraət yoxdur və hər belə akt demokratiyaya təhdid yaradır. Mənim dualarım onun ailəsi, yaxınları ilədir", - M.Karni yazıb.

Xatırladaq ki, amerikalı siyasi fəal və ABŞ Prezidenti Donald Trampın tərəfdarı olan Çarli Kirk sentyabrın 10-da Yuta Universitetində çıxışı zamanı sui-qəsdə uğrayıb. O kritik vəziyyətdə xəstəxanaya çatdırılıb, lakin tezliklə vəfat edib.