Yuxarı

​Kanadada terrorun qarşısı alınıb

İŞİD tərəfdarının ABŞ konsulluğunun binasını partlatmağı planlaşdırmaq şübhəli bilinir

Bakı. 12 mart. REPORT.AZ/ Kanada xüsusi xidmət orqanlarının əməkdaşları ABŞ konsulluğu və Torontodakı ticarət mərkəzlərinin binalarının partladılmasının qarşısını alıb.

"Report" "Reuters"ə istinadən xəbər verir ki, bu haqda Kanadanın ictimai təhlükəsizlik nazirinin müavini Stiven Blani Ottavada keçirdiyi mətbuat konfransında bildirib.

"İŞİD tərəfdarı olan vətəndaşımızın Kanadada terror aktları planının qarşısının alındığını təsdiqləyirəm", - o, deyib.

Xəbərdə bildirilib ki, bu, əslən Pakistandan olan 33 yaşlı Cahanzeb Malikdir. Həmin şəxs 2004-cü ildən Kanadada yaşayır. O, Toronto şəhərindəki ticarət mərkəzini partlatmağı planlaşdırmaqda şübhəli bilinir. Şübhəli həbs edilib.

Məlumata görə, C.Malik dindirildikdən sonra Kanadanın milli təhlükəsizliyini təhdid etdiyi üçün ölkədən çıxarılacaq. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi